Veiðikort

Félagsmönnum FÍH býðst að kaupa Veiðikortið 2020 á kr. 4.000,-
Allt frá fyrsta degi hefur Veiðikortinu verið mjög vel tekið og þessum frábærum viðtökum má þakka það að hægt hefur verið að bjóða upp á frábæra valkosti í vatnaveiði.
Veiðikortið er mjög hagkvæmur valkostur sem hentar jafnt veiðimönnum sem fjölskyldufólki. Með Veiðikortið í vasanum er hægt að veiða nær ótakmarkað í 35 veiðivötnum víðsvegar um landið sem og tjalda endurgjaldslaust við mörg þeirra.
Nú gefst fólki loksins kostur á að stoppa við falleg vötn, í skemmri eða lengri tíma, án þess að þurfa að eyða miklum tíma í að finna út hvert á að fara til að kaupa veiðileyfi, eða hvort það sé fiskur í vatninu og þar fram eftir götum.
Með kortinu fylgir veglegur bæklingur og í honum eru lýsingar á veiðisvæðunum, reglur, kort og myndir.  Einnig eru grunnupplýsingar á ensku í bæklingnum. Allur texti í bæklingi má finna á www.veidikortid.is bæði á íslensku og ensku.
Við viljum hvetja þig til að nota vefinn www.veidikortid.is bæði til skoðanaskipta og til að lesa nýjustu fréttirnar hverju sinni sem tengjast Veiðikortinu. Einnig er gagnlegt og gaman fyrir notendur Veiðikortsins að deila upplýsingum á spjallinu sem er inni á vefnum. Einnig eru veiðisögur og myndir vel þegnar. Netfang Veiðikortsins er veidikortid@veidikortid.is

Breytingar fyrir 2019
Það eru nokkrar breytingar á Veiðikortinu milli ára og nokkur vatnasvæði bætast við á móti öðrum sem hverfa úr kortinu.

Hreðavatn í Norðurárdal í Borgarbyggð kemur nýtt inn og verður gaman að geta staldrað við í fallegu umhverfi og kastað fyrir silung. Góð veiði er í vatninu og hentar það sérlega vel fyrir fjölskyldur. Einnig er gaman að segja frá því að Hólmavatn og Laxárvatn í Dölum koma aftur inn eftir nokkurt hlé. Einnig kynnum við Meðalfellsvatn inn sem nýtt vatnasvæði þar sem það var ekki formlega komið inn í bæklinginn hjá okkur þar sem það kom inn síðastliðið vor eftir smá hlé.

Vötnin sem hætta í Veiðikortinu eru vötnin í Svínadal (Eyrarvatn, Geitabergsvatn og Þórisstaðavatn) auk Hítarvatns, en Hítarvatn hefur verið í kortinu frá upphafi.

Það verður nóg úrval frábærra veiðivatna næsta sumar og veiðimenn geta strax farið að undirbúa komandi sumar með því að setja Veiðikortið 2019 á jólagjafalistann, en kortið kemur út fyrstu vikuna í desember eins og vanalega.

Almennar reglur

Veiðikortið er stílað á einn einstakling og þurfa korthafar að merkja kortið með kennitölu sinni í þar til gerðan reit. Þegar skráning fer fram hjá landeiganda eða veiðiverði ber að sýna Veiðikortið og persónuskilríki eða samkvæmt reglum í bæklingi.  Veiðimenn hvattir til að ganga vel um veiðisvæðin og skilja ekki eftir sig rusl eða önnur ummerki.
Kortið gildir fyrir einn fullorðinn og börn yngri en 14 ára í fylgd með korthafa.  Eiganda kortsins ber að merkja kortið á bakhlið með kennitölu sinni.
Veiðimönnum ber að virða þær reglur sem kynntar eru á upplýsingasíðum vatnanna, en mismunandi reglur geta gilt á milli vatnasvæðanna.
Með veiðikveðju,
Veiðikortið