Útgáfuhóf – Söngbók séra Ólafs Jónssonar á Söndum
Þann 22. ágúst n.k. kl. 16:00 verður haldið útgáfuhóf vegna útgáfu Söngbókar séra Ólafs Jónssonar á Söndum.
Séra Ólafur Jónsson (um 1560–1627), prestur á Söndum í Dýrafirði, var á meðal vinsælustu skálda á sinni tíð. Kvæði og sálmar annarra skálda eru yfirleitt varðveitt hér og þar í handritum en séra Ólafur safnaði kveðskap sínum saman í eina bók sem kölluð hefur verið Kvæðabók. Hún er merkilegt framlag til íslenskra bókmennta en hún er ekki hvað síst mikilvæg heimild um tónlist á Íslandi á 17. og 18. öld.
Þessi útgáfa kvæðanna með nótum, sem hér er kölluð Söngbók séra Ólafs Jónssonar á Söndum, er bæði ætluð fræðimönnum og áhugafólki um tónlist og sögu íslenskrar tónlistar.
Árni Heimir Ingólfsson, Johnny F. Lindholm, Margrét Eggertsdóttir og Þórunn Sigurðardóttir bjuggu ritið til prentunar. Ritstjóri er Jóhannes B. Sigtryggsson.
Dagskrá
16.00–16.05 Guðrún Nordal býður gesti velkomna
16.05–16.15 Þórunn Sigurðardóttir/Margrét Eggertsdóttir: Um Ólaf á Söndum og skáldskap hans
16.20–16.30 Árni Heimir Ingólfsson: Tónlistin við kvæði Ólafs á Söndum
Benedikt Kristjánsson söngvari mun syngja lög úr Söngbókinni.
Bókin verður einnig seld á góðum kjörum.
Allir eru velkomnir.
Ingibjörg Þórisdóttir
sviðsstjóri miðlunarsviðs
s. 822 9422
Eddu, Arngrímsgötu 5, 107 Reykjavík
